Gonisogethow
Tollans
Yma peswar Kusulyer Toll Chartourys y'gan asrann toll. Gans para galloesek-ughel a'n par na, y hyllyn ni profya aray efan a wonisogethow toll kepar ha pareusi ha restra warlinenn agas furvenn toll ombreusyans, dres kusulya war framweythyow korforeth an moyha komplek.
Yma bri genedhlek dh'agan Kowethyas Toll James Bailey rag y skentoleth yn kever prena dhe rentya ha toll-annedh. Y erthyglow yn kever a'n par ma ha materow toll arell yw dyllys yn-reyth.
Avel tellyas kyns, y hyll James agas gweres gans hwithrans toll ha dadhlow arall gans Tollva an Wlas.
Y hyll James ha y bara agas gweres gans towlow toll ha rag iselhe kendonnow a-lemmyn ha dhe dhevisya rag an termyn a-dheu yn kever Toll Eretons.
Akontys rewl
Dell grysyn, an alhwedh dhe negys sewen bos kavoes derivadow arghansek a-lemmyn dh'agas bysyes. Ni a brovi gonis akontys rewl misyek, po akont les ha koll sempel, po dielvennans manylys a vywderyon kres kost. Agan gonis a wra agas galloes gwitha a-lemmyn gans avonsyans yn medhelweyth akontyans, hag a wra sempelhe an darbar a'gas akontys blydhenyek.
Ni a yll dyghtya an darbar agas furvenn Toll Vri Keworrys.
Rol tylli
Ni a yll agas skoedhya gans agas rol tylli ha restra warlinenn agas furvenn misyek ha blydhenek dhe Toll an Wlas war agas parth.
Mar mynnowgh kevambosa a-ves aga rol tylli yn-tien, ni a brovi gonis burow rol tylli leun ha gans an galloes dhe wul talas dre BACS war agas parth dres agan kowethyans hwoer DCN & Co Ltd.
Medhelweyth akontys ha rol tylli
Yth on ni an kowethas Kernewek unnik dhe vos Kowethyas Akontydh Sage gwarantyes yn-tien. Eseli agan para Sage a wrug kowlwul towlenn dervynnek rag galloes profya kusul nivel gwartha ha gonis wosa gwerthas dhe dhevnydhyoryon medhelweyth Sage.
Fros mona ha arghansereth gorforek
Ni a yll agas skoedhya dhe bareusi balagow fros mona rag desedha towlarghow ha furvya towlennow negys, po rag negysyow ow mynnes dhe dalletha, omlesa, omjunya po gwertha.
Ni a yll dyghtya gans gwerthas po prenas ha kommendyans dhe arghansoryon, chalenjow gront, hwithransow, assensyans ha diwysogneth ewn.
Akontyans forensek
Ni a yll provia dustuni konnyk rag musura kollow ow trehevel a vaterow kettep ha droglammow, dadhlow kenwerthel po priosel, po hwithransow frows. Yma perthyans a ri dustuni yn breuslys avel dustunyoryon gonnek dh'agan Kowethyas henavek Paul Reed, ha dh'agan Dyghtyer henavek Terry Knight.
Akontys
Ni a wra pareusi akontys blydhenek rag negysyow a pub myns. Ni a veder dhe gennertha agan kliensow dhe wellhe agas gwythans lyvrow akontys rag iselhe agan kostys ha displegya aga aswonnvas a'ga sywyansow arghansek.
Hwithrans
Hwithoryon kovskrifys on ni ha y krysyn yn-fast an argerdh hwithrans blydhenek nyns yw assensyans gans an lagha yn-unnsel, mes spas dhe brovia kusul hewul saw yn kever devisya ha strateji rag gweres agas negys dos ha bos moy effeythus ha budhadhow.
mires uskis:
Tollans
Akontys rewl
Rol tylli
Medhelweyth akontys ha rol tylli
Fros mona ha arghansereth gorforek
Akontyans forensek
Akontys
Hwithrans
english
cornish